اهم 9 استراتيجيات فى التسويق بال SMS للمتاجر الاليكترونية

التسويق بالـ SMS بقى واحد من أقوى الأدوات اللي متاجر الأونلاين بتعتمد عليها دلوقتي، مش بس علشان يبيعوا أكتر، لكن كمان علشان يبنوا علاقة حقيقية مع العميل. الرسالة النصية بتوصل بسرعة، وبتتفتح في نفس اللحظة تقريبًا، وده بيخليها وسيلة مثالية للتأكيدات، المتابعات، والعروض الذكية اللي تيجي في وقتها. في الجزء ده هنتكلم عن أهم استراتيجيات التسويق بالـ SMS اللي بتستخدمها المتاجر الأونلاين علشان تزود المبيعات وتحسّن تجربة العميل من أول رسالة لحد ما يبقى عميل دائم.

1- الإشعارات

 تأكيد الطلب، تحديثات الشحن، وإشعارات التسليم من أكتر أنواع الرسائل اللي بتتحب وتتقري، لأنها بتوصل معلومات العميل مستنيها. مثال: “اهلا احمد تم تأكيد طلبك. هيتم شحن توصيل المنتج فى خلال يومين”

• 64٪ بيفضلوا تأكيد الطلب والشحن بالرسالة النصية

دي بتبني ثقة وألفة بين البراند والعميل وكمان تمهيد للرسايل الترويجية بعد كدة.

2- السلة المتروكة (Abandoned Cart)

دة أكتر أوتوميشن مربح في الـ SMS، وعلشان ينجح لازم يتنفذ بدقة. أفضل طريقة هى:

• أول رسالة تتبعت بعد 15–30 دقيقة من ترك السلة
• رسالة متابعة بعد 24 ساعة لو العميل مشتراش بتديله كود خصم قوي فى الرسالة عشان تشجعه يرجع يشتري

رسالة نموذجية بتجيب نتائج كويسة بتمشي على الترتيب ده: تعريف بالبراند، تخصيص، إحساس بالعجلة، عرض قيمة، ودعوة واضحة لاتخاذ إجراء.
مثال:
“{اسم المتجر}: إزيك يا {الاسم}، سلتك قربت تخلص! استخدم كود SHIP4FREE وخد شحن مجاني. إلحق المنتجات قبل ما تخلص: {لينك}”

3- رسايل الترحيب (Welcome Messages)

اعمِل أوتوميشن لرسايل ترحيب للمشتركين الجدد أو بعد أول عملية شراء. رسالة ترحيب ممكن تشكر العميل وتديله كوبون على الشراء الجي وبعدها رسايل متابعة فيها نصايح أو اقتراحات منتجات على حسب أول طلب عمله. النوع ده من الحملات بيخلّي البراند بتاعك دايمًا في دماغ العميل.

4- طلبات الريفيوز (Feedback Requests)

بتكون عبارة عن رسالة بتتبعت للعميل بعد ما يشتري بيومين او تلاتة او اسبوع يكون جرب المنتج واستخدمه بتطلب منه فيها انه يعمل ريفيو على المنتج مقابل انه ياخد خصم اضافى للاوردر الى جي كمثال

الريفيوز مهمة جدا فى الموقع ودي اداه قوية جدا عشان تشجع الناس يعملو ريفيوز على المقع

5- إشعارات رجوع المنتج للمخزون (Back in stock)

لمة منتج عندك بيخلص اكيد فى ناس بتخش عشان تشتريه وتلاقيه Out of stock فالفكرة هنا ان المفروض يلاقو حقل ادخال يسيبو فيه رقمهم وهما كدة يكونو اشتركو فى اشعارات رجوع المنتج

العملاء اللي بيشتركوا في إشعارات رجوع المنتج للمخزون هما أكتر فئة عندها نية شراء.
أول ما المنتج يرجع، يتبعتلهم رسالة فورية بتخلق إحساس بالتقدير. ولو ضفت خصم حصري لمشتركي الانتظار، نسب المشتريين بتزيد أكتر.

6- الرسائل الترويجية (Promotional SMS)

ابعت رسايل SMS عن العروض، أكواد الخصم، أو الديلز اليومية. خلي الرسالة قصيرة ومباشرة، زي:

“عرض جديد: خصم 25٪ على كل الأحذية النهاردة بس! اشتري دلوقتي: [لينك]”

ركز دايمًا على عامل الوقت أو الحصرية علشان تحفّز العميل يتحرك بسرعة.

7- الحملات الموسمية والمناسبات

حملات الـ SMS فى المواسم والمناسبات زي البلاك فرايدي، دخول الصيف, رمضان, العيد ومواسم التسوق بيخلي الرسالة في وقتها جدا وبيزود كفأه الحملة. الحملات اللي بتحس إنها مناسبة للوقت بتجيب نسب تحويل أعلى من العروض العامة.

8- حملات العملاء المهمين (VIP)

العملاء المهمين المقصود بيهم هما اكتر عملا بيشترو منك دول المفروض تهتم بيهم ودايما تبعتلهم عروض وخصومات حصرية ليهم فقط وتنبهم لمة منتج جديد ينزل.

9- حملات استرجاع العملاء (Win-Back)

الـ SMS أداة قوية لإعادة تنشيط العملاء غير النشطين عن طريق عروض خاصة تشجعهم يرجعوا يشتروا تاني. تحديد العملاء اللي مبقوش يشتروا لفترة معينة (من 3 الى 6 شهور) وبعتلهم عروض مخصصة بيفتح باب جديد للشراء.